Postal

by Chicharrón

supported by
/
  • Includes high-quality download in MP3, FLAC and more. Paying supporters also get unlimited streaming via the free Bandcamp app.

     name your price

     

  • Compact Disc (CD)

    Edición en CD de POSTAL, segundo álbum de Chicharrón, en carpeta formato 7" con insert, postal da portada e funda protectora de plástico groso. Tirada limitada de 250 copias.

    Includes unlimited streaming of Postal via the free Bandcamp app, plus high-quality download in MP3, FLAC and more.
    ships out within 2 days

     €10 EUR

     

1.
2.
3.
4.
02:42
5.
6.
7.
8.
9.
10.
11.
12.
01:51

about

Producido por Rubén Domínguez.

Gravado e mesturado por Tomás Ageitos no Estudio A Ponte.
www.aponteestudio.com
Roxos, Compostela.

Masterizado por Ibán Pérez no Estudio Terraforma.
www.terraforma-studio.com
Hío, Cangas do Morrazo.

Todas as cancións compostas por Chicharrón
Carballo. Santiago de Compostela.

Chicharrón son:
Alberto Vecino, Carballo
Diego Gende, Carballo
Mar Catarina, A Lagoa
Rubén Domínguez, Os Campos
Xurxo Meis, Ogrobe

Participaron na gravación de Postal:
Alberto Vecino, Diego Gende, Mara Pérez, Mar Catarina, Xurxo Meis, Tomás Ageitos e Rubén Domínguez

Fotografías e deseño: Mar Catarina

Editado por Prenom, 2016.
Baixo unha licenza Creative Commons CC BY-NC-SA
www.prenomlab.com

Contratación: hugo@prenomlab.com
Contacto: chicharron@prenomlab.com

credits

released March 9, 2016

tags

license

feeds

feeds for this album, this artist

about

Chicharrón Carballo, Spain

contact / help

Contact Chicharrón

Streaming and
Download help

Track Name: Despois do baile
Coma se estiveran feitas de vento
as túas entrañas
coma se nacera nas mans do soño a luz
que te atravesara

Coma se pra salvarme
tan só precisara
acuruxarme a carón da túa alma
Track Name: O teu costume do azar
Onte fiquei esperto
soldado contra a súa sombra
murmurándolle paisaxes
como o mar ás rochas
onte fiquei esperto
vendo instalarse o inverno
entre montañas retorcidas
polos seus pesadelos

Ata que apareciches ti
e me abanaches no berce do cometa
e esvaecéronse
a noite e a brétema

Eu pisaba o acelerador
sobre o xeo que compartiramos
porque non podía agardar
a pasar o resto da miña vida ó teu lado
a que o sol quecera
as túas pernas e os meus brazos
e nos mantivésemos coma unha foto
dun álbum rematado

Ata que apareciches ti
e me abanaches no berce do cometa
e esvaecéronse
a noite e a brétema

Os teus cabelos son as raíces da miña alma
Track Name: Suicidio tímido
Non tes que sentirte culpable
por tentar ser feliz
só tes que seguir buscando
porque só tes que seguir

E xa o vento decidirá
a que lado da liña pertencemos
se ti e mais eu
aínda estamos a tempo

E nunca me cansarei de esperarte
porque nunca me cansarei de mirarte
esquecendo o por que
ata que só sexa noso

E xa o vento decidirá
a que lado da liña pertencemos
se ti e mais eu
aínda estamos a tempo

E non me importa se eles tiñan razón
se eu non sirvo para isto
porque pagou a pena estar vivo
tan só por tentalo contigo
Track Name: Xi
Sei que segues pescando de noite
sei que segues sen durmir
que debuxas na miña mesa
na que sempre almorzo sen ti
aquí, que nunca remata
pero detodas formas
sempre son os demais
anxos que nos recordan

Só se pode viaxar con quen se ama

Como brisa que entra pola fiestra
dun apartamento fronte ó mar
coñeces a xeometría da dor
e coñeces o seu alento
acariciando a beira nevada
da maxia esta madrugada

Só se pode viaxar con quen se ama

Eu ámote
non teñas medo
camiño
sempre contigo
Track Name: A verdade de calquera fonte
O teu nome flotaba no aire
a virxe María miraba axeonllada
nervios engurrando os meus dedos
e os teus dedos
apertando cicatrices tan forte
ata sentir debaixo o sangue
namorado
por moito que corras
tódolos días rematan
rodeados de monos e de balas

Nada se me perdeu no abismo
e o único que quero é estar contigo
Track Name: A elegancia da alegría
Bailando
a luz do sol que xa se puxo

Bailando
a calor dun motor que xa se apagou

Bailando nas aforas do mundo
nolos dous sós
bailando e morrendo de amor


Instrumentos soando tras o vendaval
na última celebración da nosa entrega


Labios tremendo unha oración
por todas as ondas que morren na praia

Sobre a nosa propia brancura
Track Name: Renunciando aos meus poderes
Outra vez
no remuíño
que consagran
os teus xestos
xunto
a coitelos de luz
e ruidosas
sombras de insectos
e esa voz
murmurándome

Déixate levar
déixate levar
déixate levar
por este río de paz

Dispararei contra as miñas pernas
deixareime coller
mudarei o meu futuro
e o meu pasado
outra vez
e esa voz
murmurándome
Track Name: Ensíname a durmir
Adoro o teu corpo
adoro os teus movementos
cara á eternidade
sempre cara a dentro

Quérote tanto
morrería agora por ti
nesta sala de espera verde
que se desborda ante min

Ninguén quixo nunca
como eu te quero a ti

Ninguén quixo a ninguén
como te quero eu a ti
Track Name: Que non farías ti por non perdelo
No silenzo das súas mans
cando mirou á fronte
no silencio do aire
no silencio dos montes
non podía pensar
noutra cousa ó subir ó coche
non quería chegar
a outro sitio aquela noite

Cando soubeches que rematou esa aperta?
Cando soubeches que rematou esa aperta?

A onde imos agora?
parece que arde o mar
eu só quero que volva
ti non me soltes a man

Cando soubeches que rematou esa aperta?
cando soubeches que rematou esa aperta?

Que todo pasa tan rápido
que todo volve pasar

Cando soubeches que rematou esa aperta?
Cando soubeches que non volverías vela?
vela
Track Name: O aplauso do lanzador de disco
Frío inundando a paixón
Preguntas sobre máis preguntas
pulmóns recontando as ruínas
da nosa mitoloxía

Naufraxio de claridade
abono de cinza
gangrena de opinión
movéndose baixo as pupilas

Xira sobre min mesmo
desordena a beleza
cumpre con lume
todo o que nos queda

Follas mirándome poderosas
mentres caen do teu corpo
peiteando con dozura
a néboa do corredor
Track Name: Campos de adestramento eternos
Ti tremabas coma sementes coa beleza das vítimas
sei que sempre o recordarei, os meus bicos berrando na túa pel
pintando a nosa propia derrota sobre o bordo da vía
pegando as nosas proxeccións porque non vale nada a vida

Termando dunha árbore afogada ata que me deixe ir
nunha viaxe sen volta a esperar por ti

As cousas deixan de ser cousas porque xa non se enchen do teu olor
os meus dentes cren cando sangras sorteando as palabras
arrastrándonos de medo porque non dura nada o tempo

O fume debe poder verse a quilómetros pensou
xa sei que despois de ti non hai nada

O fume debe verse a quilómetros
despois de ti non hai nada
Track Name: A túa presa
Esperareite
como as sombras dos barcos
esperan a noite
impacientes
por volverse todo